Qarabağa avtobusla getmək asanlaşdı

İşğaldan azad olunmuş ərazilərə müntəzəm avtobus reyslərinə maraq artıb.

2024-cü ilin sentyabrından 2025-ci ilin 25 fevral tarixinədək Xankəndi-Bərdə və Bakı-Xankəndi-Laçın müntəzəm avtobus marşrutları üzrə 1270 reys həyata keçirilib, 11 682 sərnişin daşınıb.

Mingəçevir-Xankəndi-Laçın və Gəncə-Xankəndi-Şuşa marşrut xətləri üzrə sərnişin daşımalarının təşkilinə başlanılıb.Vətəndaşların işğaldan azad olunmuş ərazilərə alternativ səfər imkanlarının yaradıldığını nəzərə alaraq, “yolumuzqarabaga.az” portalı üzərindən ziyarət xarakterli reyslər müntəzəm reyslərlə əvəz edilir.

Martın 1-dən vətəndaşlar müntəzəm reyslər üzrə biletləri yalnız “biletim.az” portalı üzərindən əldə edə bilərlər.Biletləri əldə edərkən işğaldan azad olunmuş ərazilərə girişlə bağlı buraxılış qaydalarına uyğun olaraq icazələrin olması mütləqdir.