"İsmailiyyə" binasının fasadındakı yazı sökülür

“İsmailiyyə” binasının fasadındakı yazı dəyişdirilir. Bakıda “İsmailiyyə” (hazırkı AMEA-nın Rəyasət Heyətinin) binasının fasadında yuxarı hissəsində kirilcə yazılan “Azərbaycan SSR Elmlər Akademiyası” yazısı sökülür.

Azadpress.az. “Report”a istinadən xəbər verir ki, bu barədə sosial şəbəkələrdə fotolar paylaşılıb.

Həmin yazının yerində latın qrafikası ilə "Azərbaycan Milli Elmlər Akademiyası" yazılacaq.

Qeyd edək ki, bina Azərbaycan milyonçusu Musa Nağıyev tərəfindən 1907-ci ildə inşa olunub. Binanı dünyadan erkən köçən oğlu İsmayılın xatirəsinə tikdirib. Azadpress.az.